മലബാര്‍ സംസാര ഭാഷ നിഘണ്ടു

ഒരു പേര് നെറ്റിയില്‍ ചാര്‍ത്തി ബൂലോകത്ത് കടന്നു വന്നിട്ട് മാസങ്ങളായി . പ്രവര്‍ത്തനം തുടങ്ങുന്നത് ഞാന്‍ എന്‍റെ നാട്ടില്‍ തിരിച്ചെത്തിയ ഈ മുഹൂര്‍ത്തത്തില്‍ .. മലബാര്‍ വിശേഷങ്ങള്‍ തന്നെയാണ് ഇതില്‍ തുടരാന്‍ പോകുന്നത്. വായിക്കുക. അനുഗ്രഹിക്കുക. ആദ്യമായ് ഇതില്‍ ചേര്‍ക്കുന്നത് മലബാറിന്റെ തനതു സംസാര ഭാഷാ നിഘണ്ടു.. ഈ നാട്ടു ഭാഷ അറിയാത്തവര്‍ക്കും.. അറിയുന്നവര്‍ക്കും രസം പകരുന്നത് .

മലബാര്‍ ഭാഷ സംസാര നിഘണ്ടു ( അക്ഷരമാലാ ക്രമത്തില്‍ അല്ല )

നീ -- ഇഞ്ഞി

നിനക്ക് -- എണക്ക്

നിന്‍റെ -- ഇന്‍റെ

എനിക്ക് -- ഇങ്കി

അവന്‍ -- ഓന്‍

അവര്‍ -- ഓര്‍

ഞങ്ങള്‍ -- ഇമ്മള്‍, ഞാള്

ഞാന്‍ -- ഞമ്മള്‍

അവിടെ -- ആടെ

ഇവിടെ -- ഈടെ

ആയിരുന്നു -- അയിനു

വീട് -- പൊര, അങ്ങ്

വീട് താമസം -- കുട്ടൂസ്സ

വരമ്പ് -- കണ്ടി

പറമ്പ് -- കണ്ടം

പ്ലേറ്റ് -- വസി

കിണര്‍ -- കെരട്

വെള്ളം -- തണ്ണീ

ഇരിക്കുക -- കുത്തിയിരിക്കുക

ഉരുണ്ട പാത്രം -- കുടുവന്‍ ചെമ്പ്

റേഷന്‍ കാര്‍ഡ് -- കവുപ്പന്‍

മൈദ -- മര്‍ക്കിനി പൊടി

പഴുതാര -- കരിങ്കണ്ണി

ചിലന്തി -- മണ്ണാചന്‍

പപ്പായ -- കറമൂസ്സ

തോട്ടി -- കൊക്ക

ഇറങ്ങുക -- കീയുക

ആണ്‍കുട്ടി -- ചെക്കന്‍, കുണ്ടന്‍

കട -- പീട്യ

വായ -- തൊള്ള

മുഖം -- മീട്

വയര്‍ -- പള്ള

ഈഴവര്‍ -- തീയ്യന്മ്മാര്‍

പശു -- പയ്യ്

ചേട്ടന്‍ -- ഏട്ടന്‍ , കുട്ട്യേട്ടന്‍

ചേച്ചി -- ഏച്ചി

ചന്ദ്രക്കാരന്‍ മാങ്ങാ -- പടുമാങ്ങ

വീമ്പു പറയുക -- പായ്യാരം പറയുക

ഇടവഴി -- എടോയി

ചെറിയ കട -- കുമിട്ടി പീട്യ

ഭ്രാന്ത് -- പ്രാന്ത്

കാശ് -- കായി

വാഴക്കുല -- കായി

മല്ലി -- കോത്തന്ബാല

മടല്‍ -- മട്ടല്‍

തെങ്ങോല -- ഓലക്കണ്ണി

വാഴ കുടപ്പന്‍ -- മാമ്പ്

വാഴപിണ്ടി -- ഉണ്ണി കാമ്പ്

ബുദ്ധിമുട്ടിക്കുക -- സുയിപ്പാക്കുക , ബേജാറാക്കുക

കവിള്‍ -- ചെള്ള

ചെമ്പോത്ത് -- ഉപ്പന്‍ കാക്ക

പുളി -- പുളിങ്ങ

മച്ചിങ്ങ -- വെളിച്ചില്

വരാന്ത -- കോലായി

ഗോലി -- കോട്ടി